«Сөзмерген» танымдық ойыны

Сөзмерген танымдық ойыны

Қазақ тілі және әдебиеті

«Сөзмерген» танымдық ойыны

Мақсаты: Оқушылардың шығармашылық қабілетін, ойлау, есте сақтау, сөйлеу қабілеттерін дамыту. Өз ана тілін біліп, өзге тілдерді құрметтеуге шақыру. Оқушыларды адамгершілікке, ана тілін сүюге, білімдерін көрсете білуге тәрбиелеу.

 

Көрнекілігі: интерактивті тақта

Ойын барысы:

Мұғалімнің сөзі: – Қымбатты ұстаздар мен оқушылар! «Тілдер күніне» арналған 6-8 «А» сыныптары арасында өткелі отырған «Сөзмерген» танымдық ойынына қош келдіңіздер!

«Сөзмерген» сайысы басталады,

Білгірлерді жұртшылық қарсы алады.

Көшбасшысы тілдердің – қазақ тілі,

Тағы басқа тілдермен достасайық! – дей отырып, ортаға сайыскерлерімізді шақырайық.

6 «А» сынып оқушысы

7 «А» сынып оқушысы

8 «А» сынып оқушысы

Мұғалімнің сөзі: — сайыскерлеріміздің білімін, зеректіктерін байқап, бағалайтын әділқазылар алқасымен таныс болыңыздар.

Оқу ісінің меңгерушісі – Қалиева Әлия

Тәрбие ісінің меңгерушісі – Балман Майра

Ағылшын тілі пәні мұғалімі – Сағибекова Гүлбану

Қазақ тілі мен әдебиеті пәні мұғалімі – Құрашева Набат

Бүгінгі «Сөзмерген» танымдық ойыны 5 бөлімнен тұрады, олар:

  1. «Зымыран сұрақтар»
  2. Тапқыр болсаң, тауып көр
  3. Ойлы болсаң, озып көр
  4. Кім жүйрік?
  5. Сөз ойла, тез ойла

Ойынымыздың бірінші бөлімі — «Зымыран сұрақтар». Бұл бөлімде қазақ тілі мен әдебиеті пәнінен және логикалық сұрақтар берілген. Осы сұрақтарға тез, әрі шапшаң жауап беру керек. Барлығы -15 сұрақ

  1. Сөйлеу тілінде дыбыстау мүшелері арқылы айтылып, естілетін тілдік құбылысты не деп атаймыз? (дыбыс)
  2. Қазақ тілі қай тілдер тобына жатады? (түркі)
  3. Қазақ дәстүрі бойынша тура айтуға тыйым салынғандықтан, бұрмалап аталған сөздерді не дейміз ? (табу)
  4. Ең тәтті, ең ащы не? (тіл)
  5. Жуан және жіңішке сөздерге жалғана беретін қай жұрнақ? (хана)
  6. “Әдебиет” сөзі қай тілден енген? (араб)
  7. Құранда неше сүре бар? (114)
  8. Қай шығармадан, кім? “Бірақ амал нешік, сен қызылшақа болып, жөргекте жатқанда сондағы ақымақтығыңды пайдаланып, әке-шешең немесе шілдеханаға келіп, дуылдап отырған басқа біреу солай атап жіберген. ” («Менің атым Қожа», Қожа)
  9. Шоқан Уәлихановтың шын аты кім? (Мұхамедқанафия)
  10. Отырарға опасыздық жасаған кім? (Қарашоқы)
  11. “Селт еткізер ” дегеніміз не? (Наурыз мейрамында жастардың бір-біріне сыйлайтын тосын сыйлары)
  12. Бал да, у да таматын не? (тіл)
  13. “Шалға” қарағанда “балада” не көп? (буын, әріп)
  14. Кім қартаймайды? (анасы бар адамдар)
  15. Кімнің аяғына су жұқпас? (Суаяққа)

Екінші бөлім – «Тапқыр болсаң, тауып көр »

 

Үшінші бөлім – «Ойлы болсаң, озып көр »

Шарты: Күнделікті өмірде қолданылып жүрген тыйым сөздерді айту

 

Төртінші бөлім – «Кім жүйрік? »

Шарты: Жұмбақтың жауабын тауып, орыс және ағылшын тілдеріне аудару қажет.

  1. Көзге көрінбейді, жұтсаң білінбейді. (Ауа – воздух)
  2. Бір үйге көзсіз боп кіресің,

Бұл үйден көреген боп шығасың (мектеп – школа — )

  1. Көтеріліп теңізден

Аспанға биік барамын.

Биіктеп қайта түскенде

Өңі кірер даланың (Жаңбыр – дождь — )

  1. Көк көйлекті жеңешем көлбең-көлбең етеді, Жер түбіне жетеді. (түтін-дым- )
  2. Бір зат бар дүниеде құшағы кең,

Ұшқан құс, жүгірген аң бәріне тең.

Адамзат, жан-жануар арасында

Мәңгілік өсіп-өніп өмір сүрген.

(жер-земля- )

  1. Балдан тәтті не?

(тіл-язык — )

  1. Бір арба келіншек,

Әрбір келіншектің басында бір-бір түйіншек

(сіріңке – спички — )

 

Бесінші бөлім – «Сөз ойла, тез ойла»

Шарты: Ұяшықтарды таңдап, шыққан сөздерден мақал-мәтел құраңдар.

1 ұяшық «білім»

2 ұяшық «кітап»

3 ұяшық «сөз»

4 ұяшық «жер, ел»

5 ұяшық «дос»

6 ұяшық «тосын сый», яғни сайыскерге 10 ұпай сыйға тартылады.

 

Мұғалімнің сөзі:

Көп ұлтты Қазақстанда

Жүзден аста тілдер бар.

Мәртебелі, маңызды

Қазақ тілін танып ал!

 

Ана тілің – арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте! – дей келе бүгінгі «Сөзмерген» танымдық ойынын жабық деп жариялаймыз. Келесі кездескенше!

Ойын соңында жеңімпаз анықталып, «Сөзмерген» атағы беріліп марапатталады.