«Кітап- білім бұлағы»

 

 

«Әулиекөл  ауданы әкімдігінің  білім  бөлімінің

№2 Аманқарағай орта мектебі»  ММ

 

 

 

 

 

 

 

 

«Кітап- білім бұлағы»

(сайыс)

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

                                                                                 Орындаған: Бесенова А.А.

Кітап белсенділері

 

 

 

 

«Кітап- білім бұлағы» (сайыс)

Мақсаты: туған тілімізді сүюге, туған елін , жерін құрметтеуге, жан-жақты білімділікке, кітапқұмарлыққа баулу .

 

Кітапханашы: «Артық білім кітапта, ерінбей оқып көруге», деп ұлы Абай атамыз айтқандай , кітап адам баласына бала кезінен бастап, өмірінің соңына дейін сырлас досы бола алады. Бүгінгі «Кітап –білім бұлағы» атты сайысымыз 3-4 сынып оқушыларының кітапханамен қарым қатынасы, кітап оқу арқылы кімнің білімімен білігі артық екенін анықтау.

 

Бүгінгі сайысымыз алты бөлімнен тұрады.

І. Сынып тобын таныстырады.

ІІ. Сөз теру

ІІІ. Жұмбақ шешіп, мақал айту

І V. « Кітап білім бұлағы» Сұрақтарға жауап беру

  1. «Сұрақ-жауап» Топ басшыларының жарысы

VІ «Өнерлінің өрісі кең» өз өнерлерін көрсету

 

Кітапханашы:

Адамның досы – кітап, өмір кілті,

Тең келмес оған жиған мүлкі.

Ақылшы, жанға серік жол бастаушы,

Ақыл ой, қазынасы, өмір көркі.-дегендей

Ортаға сынып оқушыларын шақырамыз.

Сыныптардың әділ бағасын беретін әділқазылар алқасымен таныстырып өтейін.

Ақыл-көркі бойларында жетеді,

Әлі талай сынақтардан өтеді.

Мына отырған баршамызға өздерін,

Сайыскерлер таныстырып өтсе.

І. Сынып тобын таныстырады

 

ІІ. Білімдеріңе сеніңдер,

Бәсекелесіп көріңдер.

Әріптерден сөз теріп,

Ортақ ойға келіңдер.

Келесі жарысымыз сөз теру.

«Оқырмандар» тақырыбына

 

ІІІ. Жұмбақ шешіп, мақал айту

Сайыскерлерге жұмбақ айтылады, жұмбақты шешіп, сол сөзге мақал мәтел айтады.

1.Басына үлпілдеген таққан шашақ,

Бұралып талшыбықтай тұрған жасап./қамыс/

Қоянды қамыс өлтіреді,

Ерді намыс өлтіреді.

 

2.Екі бала қатар тұрса да,бірін бірі көрмейді. /көз/

Көз қорқақ ,қол батыр.

 

3.Кішкентай ғана бойы бар,

Айналдырып киген тоны бар./қой/

Қонақ қойдан жуас.

Ақсақ қой түстен кейін маңырайды.

 

4.Өзі тоқ, көлеңкесі жоқ /құдық/

Оқу- инемен құдық қазғандай

Өзің су ішетін құдығыңа түкірме.

 

5.Тілі бар,үні жоқ,

Өзін адам түсінген.

Жүрегі бар да, қаны жоқ

Сөйлеп тұрған ішінен /кітап/

Кітапсыз білім жоқ,

Білімсіз күнің жоқ.

 

  1. Сылдыр сылдыр су емес,

Ішсең сусын қанады.

Ақ болса да қар емес,

Шешуін кім табады ? /айран/

Айран ішкен құтылар,

Шелек жалаған тұтылар

 

7.Басқан ізі жоқ.

Сойса қаны жоқ /қайық/

Тәуекел түбі –желқайық,

Мінерсің де өтесің

 

8.Сөзі дана, үні жоқ,

Сөйлемейді, тілі жоқ.

Қолына алсаң – шешен,

Ақылы асқан көсем /кітап/

Кітап- білім бұлағы

Білім –өмір шырағы

 

ІV. «Кітап білім бұлағы» Сұрақтарға жауап беру

1.Қазақтың билерін ата (Аяз би, майқы би, Бала би т.б)

2.Қазақта қуанышты хабар жеткізушінің алғашқы сөзі қалай басталады. (Сүйінші)

4.К ітапхана дегеніміз? (оқырмандарға кітапты беріп және сақтайтын орын)

5.Уақыт өлшемін ең кішісінен бастап айтып бер (секунд, минут, сағат, тәулік, апта, ай, жыл, ғасыр, дәуір)

6.Қазақтың қандай ұлттық ойындарын білесің? (асық, көкпар, орамал тастамақ, ақсүйек т.б)

  1. 23 сәуір қандай мереке? (Халықаралық кітап күні)

8.Кітап кім үшін жазылады? (оқырман)

9.Қазақтың атақты жырауларын ата (Қазтуған Бұқар, Жиембет Сыпыра, Шалкиіз)

  1. Қазақша апта аттарын атап шық (дүйсенбі, сейсенбі, сәрсенбі, бейсенбі, жұма, сенбі, жексенбі)

 

  1. V. Топ басшыларының жарысы «Сұрақ-жауап»
  2. Елімізде Тіл мерекесі күнін қашан тойлаймыз?
  3. Қазақстан Республикасы түының авторы кім ?
  4. Қазақстан Республикасы мемлекеттік Елтаңбасының авторлары, кімдер?
  5. Қазакстан Республикасы Тәуелсіздік күні.
  6. Тұңғыш қазақ ғарышкерлері кімдер?
  7. Жаңа туған нәрестеге жасалатын той?
  8. Балаларға арналған қандай газет-журналдарды білесіңдер?
  9. Балалар ақын жазушыларынан кімдерді білесің ?

 

VІ. « Өнерлінің өрісі кең». Өз өнерлерін көрсету

 

Қорытынды:

Кітапханашы: Кітапты оқи отырып, адамның ішкі рухани жан дүниесі артады. Айналадағы өмірмен, адамның еңбегімен, құрбы-құрдастарымен танысып, жақсы болуға, жақсылық іс істеуге құштарландыратын осы құрал — кітап. Кітап – қарым — қатынастың, еңбектің, күрестің құдіретті құралы. Кітап — білім бұлағы деп бекер айтылмаған.

Қош, сау болыңыздар!

Сайыс соңында жеңімпаз топты анықтап , марапаттау