Дыбыстарды дұрыс атайық

           Ұйымдастырылған оқу іс-әрекетінің технологиялық картасы

 ІІ кішілер тобы

 

Тәрбиеші:Кужасова А.Е.

Білім беру саласы: Қатынас

Бөлімі: Тіл дамыту

Тақырыбы:  Дыбыстарды дұрыс атайық

Мақсаты: Балаларға дауысты ( а, ә, о, ө) дұрыс айта білуге үйрету.Артикуляциялық жаттығулар арқылы дыбыстарды дұрыс айтуға жаттықтыру.Үй құстары мен үй жануарларына  қамқор болуға тәрбиелеу.

Алдын-ала жүргізілетін жұмыстар: Әңгімелесу.

Әдіс-тәсілдер Түсіндіру, әңгімелеу, сұрақ – жауап, ойын.

Қажетті көрнекі құралдар: Демонстрациялық материал, төлдердің суреттеріі

Қостілділік компонент: Әтеш – петух, лақ — козленок

 

Іс-әрекет

кезеңдері

Тәрбиешінің іс-әрекеті Балалардың іс-әрекеті
Себепті қызығу-

шылығын

ояту

кезеңі

 

Балалар шаттық шеңберіне тұрамыз.

Алдымыздан кезіккен,

Көп танысты көреміз.

Бәріне де ізетпен,

Біздер сәлем береміз.

Енді орнымызға жайғасып отырамыз.

 Балалар шеңберге тұрады.

Өлең сөзін бірге қайталап, қимыл – қозғалыстар

Ұйымдас-

тырушы-

лық

ізденіс

кезеңі

 

 Демонстрациялық көрнекіліктен суретін көрсете отырып:

Келгенше апам жұмыстан,

Бесікте ойнап жатады.

Әрнені ұғып дыбыстан,

« А –а — а»- үн қатады.

-Кішкентай бала « а – а –а — а», -деп ән салады екен.Бәріміз қайталайықшы.Кейбір балаларға жеке –жеке қайталатамын.Балаларға әтеш, лақ, бұзаудың суреттерін көрсетемін.

Олардың қалай дыбыстайтынын айтайық.

Ақ бұзауым ұнайды,

« Мө — мө»- деп сүт сұрайды.

Ақ бұзау жақсы фермада

Апарамын көрмеге.

-Бұзау қалай дыбыстайды?  « Мө — мө» -деп дыбысты қайталаймын.

-Балалар бұзауды еркелетіп , « Әукім – әукім»-деп шақырады.

Балаларға лақтың суретін көрсетемін

Лағым –ау, лағым,

Естімей ме құлағың?

Айтқан сөзді ұқпайсың,

Келмей ме әлде тіл алғың?

-Ал мынау ешкінің төлі – лақ. Лақ қалай дыбыстайды? « Мә – мә — мәқ» -деп дыбыстайды.

Әтештің суретін көрсетемін

Оятпа, әтеш, сен бізді,

Өзім де сездім, таң атты.

Сенсіз- ақ білем мезгілді,

Танимын енді сағатты.

-Бұл – әтеш.Әтеш қалай дыбыстайды?

-Әтеш « қо – қо — қоқ» деген дыбыс шығарады.

Қазақша – орысша айтамыз.Әтеш – петух, лақ- козленок

Сергіту сәті:

Лағым, лағым,лағым,

Шошаңдаған шұнағым.

Секіресің секеңдеп,

Ойнағандай еркелеп.

Дидактикалық ойын.

« Төлдерін тап» ойыны арқылы әр малдың төлін тауып, атап  орналастырады.Кейбір балалар мен жеке қайталаймын..

 

 Балалар суретке қарайды.

 

 

 

 

« А –а –а -а» деп қайталайды.

 

 

 

 

 

 

 

« Мө — мө» -деп бірге қайталайды.

 

 

 

 

 

 

 

 

« Мә –мә — мәқ»-деп қайталайды.

 

 

 

 

 

 

« кө  -кө -көқ»деп қайталайды.

 

 

 

Өлең сөздерін бірге қайталайды.

 

 

Балалар ойынға қызыға араласады.

Іс-әрекетті

бағалау кезеңі

 

 

 

 

Ұйымдастырылған оқу іс-әрекетін қорытындылау мақсатында бірнеше сұрақтар қоямын.

-Тағы қандай үй жануарларының төлдерін білесіңдер?

-Үйлеріңде қандай үй жануарлары бар?

Сұрақтарға жауап беріп белсенділік танытқан балаларды атап мадақтаймын.

 

 

 

Балалар сұрақтарға өз бетінше жауап беруге талпынады.

 

Күтілетін нәтиже:

 

Нені біледі: Үй жануарларының төлдерін атап, олар туралы білетіндерін әңгімелеп айта біледі.

 

 

Қандай түсініктерді игерді  Дыбыстарды дұрыс айта білу керектігін түсінді.

 

Меңгерген дағдылары мен іскерліктері: Үй жануарларына қамқорлық жасау керектігін меңгерді.