Көңілді эстафета

Сыныбы: 2

Сабақтың тақырыбы: Көңілді эстафета

Сабақтың мақсаты:

1)   Балалардың қимыл – іс әрекеттері мен дағдыларын жетілдіру;

2)   Өз беттерімен спорттық жаттығуларды көбірек орындауға жетелеу;

3)   Жеке және коллектив болып жасалған жаттығулардың әсем орындалуына көңіл аударту, таза ауада жүргізілетін жаттығулар мен ойындар арқылы бала организмін щынықтыру.

Сабақтың түрі: Ойын сабақ

Сабақтың әдісі: Жаттықтыру, үйрету, түсіндіру.

Сабақтың көрнекілігі: Әсем безендірілген спортзал, сәнді спорттық киімдер,

эмблемалар,доп.

Сабақтың барысы:

І.Ұйымдастыру кезеңі

Сапқа тұру.

Рапорт қабылдау.

Сабақ тақырыбын хабарлау.

ІІ.Дайындық бөлім

Оқушылар бір қатар сап түзеп тұру.

«Сынып түзел», «Тік тұр», оңға бұрыл деген бұйрықтарды дұрыс орындау

Алаңды айнала баяу жүгіру

Шеңбер жасап жалпы дамыту жаттығуларын жасау

-Мойын жаттығуы; -Қол жаттығуы; -Бел жаттығуы; -Аяқ жаттығуы т.б

ІІІ.Негізгі бөлім.

Бірде ол ішім дейді

Бірде ол тісім дейді.

Шынығу керетігін

Сонда да түсінбейді.

Жоғарыдағы өлеңді оқып, оқушыларға сұрақ қою:

Өлеңде кім жайлы айтылған, оның іші, тісі неліктен ауырады екен?

Оқушылардың жауабы.

—         Балалар қимыл – қозғалыс ойындары денсаулығымызды нығайта ма? (иә)

—         Ендеше бүгінгі сабағымызда біз сендермен ойын ойнаймыз.

Қане, балалар, қандай ойындарды білеміз?

Ал таза ауада қандай ойындар ойнауға болады?

Сыныпты 2 топқа бөліп,  қимыл-қозғалыс ойындарынан эстафеталық жарыс өткізу. (сурет салынған және топтың аты жазылған эмблемаларын таққызу.)

1 – топ «Құлагер» тобы.

2 – топ «Тұлпар» тобы.

  1. 1.Қапты аяққа киіп секіру жарысы.Топты 2 командаға бөлеміз. Ойыншылар бірінің артынан бірі тұрады. Қатар тұрған екі тізбектің арасы бір-бірінен 3-5 қадамдай қашық болады. Тізбектердің  алдына сөре сызығы сызылады, ал олардың қашықтығы 10-15 м болатын қарсы жаққа бір-бір зат қойылады. Белгі берілісімен алдында тұрған екі оқушы қаппен затты айналып өтіп қайта оралады. Бірінші болып жеткен команда жеңіске жетеді.
  2. «Кім бірінші»(доппен). Оқушыларды екі топқа бөліп бірінің артынан бірі тұрады.

Тізбектердің алдына сөре сызығы сызылады, олардан 2-3  м қашықтықта сызық сызылады. Бұл сызықта әр топтан капитан командасы қарама-қарсы тұрады. Бергі берісімен капитан командасы допты өз командасындағы 1-ойыншыға лақтырады, ол допты қайтадан капитанға лақтырып отырады, ойын осылай жалғаса береді. Кім бірінші болып ойынды бітірсе, сол команда жеңіске жетеді.

  1. Обручтың арасынан өту. Екі оқушы әр топтан обручты ұстап тұрады. Оқушыларды екі топқа бөлеміз. Тізбектердің алдына сөре сызығы сызылады. Белгі берісімен алдында тұрған оқушылар тез жүгіріп, обручтың арасынан өтіп, өз командасына алақанмен ұрып, эстафетаны береді, эстафета жалғаса береді. Бірінші болып жеткен команда жеңіске жетеді
  2. 4.«Кім тез қимылдайды».

Топты екі командаға бөлеміз. Оқушылар бір-біріне қарама-қарсы сапқа тұрады. Аралары 5-6 м. Әр команданың оң жағында бірінші тұрған оқушы обручты тез алып бас жағынан киіп тез аяғы жағынан шығаруы керек.

Керісінше аяқ жағынан кіргізіп бас жағынан шығарып отырады. Қай команда тезірек бітсе сол команда жеңіске жетеді.

  1. Қолмен допты домалату.

Топты екі командаға бөлеміз. Бірінің артына бірі тұрады. Әр команданың алдында бір-бір доптан тұрады. Мұғалімнің белгісімен алдында тұрған оқушы допты домалатып, 5-6 м жердегі затты айналып өтіп өз командасына береді. Қай команда бірінші бітсе сол команда жеңеді. .

  1. 6.Ракетамен шарикті ұрып жарысу.Топты екі командаға бөлеміз. Оқушылар бірінің артына бірі тұрады. Әр команданың алдынан сөре сызығы сызылады, ал олардың қашықтығы 10-15 м болатын қарсы жаққа бір-бір зат қойылады. Белгі берісімен алдында тұрған оқушы ракетамен шарикты алып жүреді, затты айналып өтіп, қайта оралады. Қай команда бірінші болып бітірсе сол жеңіске жетеді.
  2. Арқан тартыс. Топты екі командаға бөлеміз. Оқушылар бірінің артына бірі тұрады. Қатар тұрған екі  тізбектің арасы бір-бірінен 3-4 қадамдай қашық болады. Тізбектердің алдына сызық сызылады. Мұғалімнің белігісімен оқушылар тартысады, кім сызықтан асыра сүйреп кетсе сол жеңіске жетеді. Тек қана мұғалімнің белгісімен басталады.

ІҮ.Қорытындылау.

Оқушыларды сапқа тұрғызу.

Сабақта ерекше көзге түскен оқушыларды атап өту.

Жеңіске жеткен команданы мадақтау.

Ұйымшылдықпен спорт алаңынан қайту.