Алынбайтын асу жоқ  

Өзiн-өзi тану сабағының жоспары

Мектеп:  Қаблиса жырау атындағы орта мектеп    Мерзiмі:

Тақырып: Алынбайтын асу жоқ

Құндылық: Дұрыс әрекет                Қасиеттер: Дұрыс ой,әдет,тәртіп.

Мұғалiмі: Жайнарбекова Қ.А.         Сынып: 10                

 

Сабақ мақсаты: Дұрыс әрекет құндылығының мәнін ашу, өз мақсаттарын жүйелі іске асыра білуге ықпал ету, адам мүмкіндіктері туралы түсініктерін одан әрі тереңдету.
Міндеттері:

1.Оқушыларды   дұрыс   ойлауға  дағдыландыру.

2.Оқушылардың   бойында   жағымды  әдеттерді   дамыту.

3.Тәртіпті  болуға тәрбиелеу

Ресурстар:

 

І.Сабақ барысы:

Ұйымдастыру кезеңi. Тыныштық сәтi.

«Нұрға бөлену.»
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.
Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын… Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын… Нұр менің ішімде… Мен Нұрмын».
Осындай Нұр, Махаббат және Тыныштық күйінде отыра тұрыңыз…
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады.  Рахмет!

 

ІІ.Үй тапсырмасын тексеру

Н.Айтұлының «Күлтегіннің көк тасы»  атты өлеңін оқып үйден талдау берілген.

1.Неліктен автор «Исі түркі жұртының тұмарындай Көктасым», деп  толғанады?

2.Тасқа түскен  жазулардың руханилық күші неде  деп ойлайсыздар?

3.Рухани байлық дегенді қалай түсінесіздер?

Ескертулер:

Әдістемелік құрал

Мұқажанова Р.А,

Омарова Г.А.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

10 сынып «Өзін өзі тану» оқулық. 28-29 бет

ІІІ.Жағымды ой пікір (Дәйексөз)

 

«… Егер өмірде өзіңе – өзің сенімді болғың келсе, қиындықпен бетпе-бет кездесуден қорықпа. Үнемі өмір сынақтарынан жасқанып, қашқақтай берсең, кезең — кезең қиындықтар туындай береді, өзіңмен өзің әлектене бересің. Сондықтан жеңіл жол іздеме, қиындықпен күресе біл»

Мун Сон Мён

1.Осы айтылған ойды қалай түсінесіздер?

2.Қиындықты, мақсатты  жеңу  жолында адамдарда қандай қасиеттер  болуы керек?

3.Дәйексөздің бізге берер  өсиеті ?

 

Қорытынды: Қиындықты күш-жігер, шыдамдылықпен, төзімділікпен,табандылықпен жеңе білген адам ғана өзіне-өзі сенімді болады,көздеген мақсат, мұратына жетіп асулардан асады.

Интернет желісі.

 Мун Сон Мён , 25.02.1920ж.   Жапонияның Тэйсю империясында дүниеге келген,2012 жылы 3 қыркүйекте Корей Республикасы Капхенда дуниеден өтті. Кореяның қоғам  қайраткері, көшбасшысы.  «Бейбітшілік үшін қызмет етемін», «Барлық әлемге бейбітшілік федерациясы», «Федерация женщин за мир во всем мире» Халықаралық қоғамдық ұйымдарының  негізін қалаушы. Гумманитарлық көмек қорларын құрған.

 

ІҮ.Оқиға айту (Әңгiме)

Мұғалімнің сыйы

Видео «Алынбайтын асу жоқ»

1.Осы видеодан қандай әсер алдыңыздар, қандай сезімдер пайда болды?

2.Энтони Роблстың осындай жетістіктерге жетуіне бойындағы қандай қасиеттер көмектесті?

3.Неге осы спорт  түрін таңдады деп ойлайсыздар?

 

 

 

Интернет желісі  

Энтони Роблс-20.06.1988   жалғыз аяқты мүгедек спортсмен. Студенттер арасындағы бірінші лига чемпионатының еркін күрестегі 125  фунт аралығындағы алтын жүлдегері.Туғаннан бір аяғы жоқ,3 жасыннан бастап протез киюден бас тартқан,8 сыныптан бастап күреспен айналысқан. Биылғы жылы 36 рет жеңіске жетті.

Ү.Шығармашылық жұмыс, топтық жұмыс.

Санау арқылы 1,2,3 үш топқа бөлу.

Кітапта берілген Бейбіт Сапар Алидің ғарышкер Тоқтар Әубәкіров туралы шығармасынан алынған үзіндісімен оқушылар танысады.Үзінді  бойынша 3 топқа 3 сұрақ қойып тапсырма беріледі:

1.Ғарышкердің орнында болсаңыздар, сіздер ғарышқа не алып ұшар едіңіздер?

2.Тоқтар ағаның бойындағы  қандай қасиеттері ғарышкер болуына көмектесті?

3.Ғарышкер Тоқтар ағаға қандай тілектер айтар едіңіздер?

Қорытынды: Әр адам өз Отанын сүйеді, алыста жүрсе сағынады. Отанын шын сүйген адам өзінің бар мақсатын , күш-жігерін табандылықпен Отанына қызмет жасауға бағыттайды.

10 сынып «өзін өзі тану» оқулықтағы мәтін 35-36 бет, ватман, маркер, стикерлер.

ҮІ.Топпен ән айту.

Чемпиондар

Байрағы еңселі елімнің
Кең байтақ айбынды жерімнің.
Тұлпары біз болдық бәйгеде,
Ақтап шыққан, ел сенімін.

Тізгіндеп алтын мен күмісін
Сыйлаған еліне жеңісін
Әлемде топ жарып жарысқан,
Қазақстан, Қазақстан.

Қайырмасы:
Желбіреп байрағы әлемде
Әнұран айтылды әр елде.
Ұл-қызы әлемге өз елін танытқан, танытқан
Қазақстан (2 рет)

Вот последний рывок и победа.
Слышны крики с трибун Казахстан.
Посмотри оправдали надежду,
Все кто нам верил и веру вселял
Закаляется воля сражения,
Олимпийцы храбры как в бою.
Будут слезы от счастья победы.
Верим в себя, верим в страну.

Припев:
Разивается флаг на ветру
Пробуждает он гордость мою.
Будет золото нашим, Мы верим
Верим в ребят, они победят (2 раза)

Қайырмасы:
Желбіреп байрағы әлемде
Әнұран айтылды әр елде.
Ұл-қызы әлемге өз елін танытқан, танытқан
Қазақстан (2 рет)

Интернет желісі http://kazchords.kz/?p=2077,

Музыка —

Ермек Елгезеков,
Слова — Айгул Мукей

ҮІІ.Үй тапсырмасы.

38- бет,  Д.Аллен  үзіндісін оқып , талдап келу.

 

10 сынып «өзін өзі тану» оқулықтағы мәтін 38 бет
ҮІІ.Сабақтың қорытынды сәті.

Соңғы тыныштық сәтi.

-Көзімізді жұмып, тыныштықта бүгінгі сабақты есімізге түсірейік.Бүгінгі өткен сабағымыздан өзімізге қандай жақсы қасиеттерді алдық,қандай пайдалы  заттарды алдық  сол жөнінде ойланайық.Осы жақсылықтың  барлығын  жүрегімізге салып, санамызға түйіп алайық.Жайлап, көздеріңізді ашуға болады.