«Тәрбиенің ең тамаша мектебі – отбасы»

Бостандық орта жалпы білім беретін мектебі

Ашық тәрбие сағаты:

«Тәрбиенің ең тамаша мектебі – отбасы»

Өткізген:

Тыныштық Ш.Т

2018 — оқу жылы

Тақырыбы: Тәрбиенің ең тамаша мектебі – отбасы

Мақсаты: Бала тәрбиесіндегі ата-ананың алатын орнының ерекше екендігін түсіндіру.Жанұядағы ата-ана және бала арасындағы қарым-қатынасты нығайту. Ата-анаға деген бала махаббатын ояту.Оқу орны, ұстаз, ата-ана бірлігін нығайту.Отбасы мүшелері арасындағы бауырмалдық, қайырымдылық, достық қарым-қатынасты қалыптастыру, үлкенді сыйлауға, сыпайы, ілтипатты болуға тәрбиелеу.

Көрнекілігі: Қанатты сөздер «Ата көрген-оқ жонар, ана көрген- тон пішер» , «Ата – бәйтерек, бала — жапырағы», слайд, әріптер жазылған карточкалар, мультимедиялық проектор.

Түрі: танымдық сайыс, пікір талас

Барысы:

Ұйымдастыру бөлімі: Сәлемдесу.

Студенттерді екі топқа орналастыру.

Мұғалім: Құрметті, оқытушылар, студенттер! Бүгін біз «Тәрбиенің ең тамаша мектебі – отбасы» атты тақырыбындағы ашық тәрбие сағатында бала тәрбиесі, оның жан-жақты дамуы бағытында өз ойымызды ортаға салмақпыз. Жел бесіктен, жер бесікке дейінгі адам өміріндегі тәрбиенің ұйытқысы ата-ана мен мектеп. Болашақ десек те, келешек десе де бала-ұрпақ деген мағынаны білдіреді.
Адамның өзге тіршілік иесінен айырмашылығы – дүниеге перзент әкелген соң, оның болашағын ойлау, адам етіп тәрбиелеу. Бала тәрбиесі – бір отбасының ғана емес, бүкіл қоғамның мемлекеттік абыройлы міндеті. Кезінде Әл-Фараби бабамыз: «Ғылым емес, ең алдымен тәрбиеге көңіл бөлу керек, тәрбиесіз адамға ғылым баянды болмайды» — демеп пе еді. Осыған орай бүкіл ата-ана тәрбиеге бет бұруы керек. Ұрпақ тәрбиесіне мүдделі екендігін ата-аналар іс-жүзінде дәлелдеп отырулары тиіс. Міне осындай ынтымақ бірлігінде ғана ойдағыдай нәтиже берері ақиқат. Отбасы – адам баласының түп қазығы, алтын ұясы. Адам баласы шыр етіп дүниеге келгеннен бастап, сол ортаның ыстық суығына бейімделіп, ықпалына көніп, осында ер жетеді. Әке шаңырақ иесі.Отбасы мүшелерінің жауапкершілігі толығымен ер-азаматқа жүктеледі. Әйел – отбасының ұйтқысы. Баланы өсіп тәрбиелеу- ата-ана міндеті.Бала әкеден ақыл, анадан мейірім алады.Тәртіпті де тәрбиелі ұрпақ тәрбиелеу – отбасы мен мектептен алған үлгі- өнеге жиынтығының жемісі.Ендеше, бүгінгі сайысымызды бастайық. Сайысымыз 7 бөлімнен тұрады:

І бөлім. Таныстыру.

ІІ бөлім. «Білімдіге дүние жарық»

ІІІ бөлім. «Тығырықтан шығу»

ІV бөлім. «Тіл өнері» мақал-мәтелдің жалғасын табу.

V бөлім. Пікір талас

VІ бөлім. «Сөз тапқанға …..»

Сайысымызды бағала йтын әділқазылармен таныстырып өтейін.

І бөлім Таныстыру. «Алтын ұя» тобы және «Берекелі отбасы » тобы. (10 балл)

— Алдымен топтың атын, ұранын таныстырып мағлұмат береді.

ІІ бөлім. «Білімдіге дүние жарық» деп аталады. Мұнда топтың шапшандылығын, біліктілігін аңғарамыз.Ендеше викториналық сұрақтар беріледі.

(әр сұрақ 5 балмен бағаланады)

І топ

ҚР тәуелсіздікті қашан алды. (1991ж. 16-желтоқсан)
Қазақтың тұңғыш ғарышкері кім? (Т.Әубәкіров)
Шоқанның әжесі? «Айғаным!»
«Көксерек» әңгімесінің басты кейіпкері? «Құрмаш
Қандай ұлттық тағамдарды білесің? «қазы-қарта, жал-жая,бешбармақ, шұбат.»
Үстеудің неше түрі бар? (7)
«Қазақ хрестоматиясын жазған кім?» (Ы.Алтынсарин)
Күй атасы кім? (Құрманғазы)
Қазақ тілі қандай тілдер тобына жатады? (түркі тілдес.)
Балдан тәтті не? ( бала)
Қара шаңырак иесі кім? ( кенже ұл)
Балаға кім сыншы? (ата)
Әкеден балаңа берілетін зат ( мұра(
Үйдегі алтын адам кім? ( ана)
Бес дұшпанды атаңдар? ( өсек, өтірік, мақтаншақ, еріншек , бекер мал шашпақ)
«Ұл атадан көрмейінше сапар шекпес» кімнің нақыл сөзі ( Қорқыт ата)
ҚР баланың құқықтары туралы заң қашан қабылданды? ( 2002ж 8-тамыз)

18.Жасөспірім бала неше жастан бастап қылмыстық жауапкершілікке тартылады?( 14 жас)

ІІ топ

Қазақ тілі алғаш мемлекеттік мәртебесін қай жылы алды. (1989ж)
Абайдың туған жылы? (1845ж)
Қазақ даласының жарық жұлдызы? (Шоқан)
Ақылды сөзінің түбірі ( ақыл)
Қазақ алфавитін жасаған кім? ( А.Байтұрсынов)
Ұлттық киімдер қалай аталады? ( тақия, бешпет, қамзол, сәукеле, тон, кимешек т.б)
Беташар қашан айтылады? ( келін түскенде)
Тұңғыш кемеңгер? ( Ыбырай)
Қазақ халқының салт- дәстүрлерін ата? ( шілдехана, бесік той, тұсау кесу, құда түсу, келін түсіру, қыз ұзату. т.б.

10Тәрбие мен білімнің ордасы ( мектеп)

11.18жасқа толмаған адам ( бала)

12.«Өзін-өзі тану» бағдарламасының авторы кім? ( С.Назарбаева)

13.Екі адамның бір-біріне деген адалдығы ( достық)

14.Қазақстанда қандай білім алу міндетті түрде ( орта)

15.Бес асылды атаңыз (талап, еңбек, терең ой, қанағат, рақым)

16.Үш арсызды ата? ( ұйқы, тамақ, күлкі)

17.Үш қуаныш ( алғыс алу, өзіңді көптің іздеуі, ісіңнің өшпеуі)

18.Мемлекеттік рәміздерді ата ( елтаңба, ту, гимн)

ІІІ бөлім «Тығырықтан шығу» деп аталады. Мұнда жағдаяттық сауалдар беріледі.Өз пікірлеріңізді білдіресіздер. (әр сұрақ 5 балмен бағаланады)

І топ

Пән мұғалімдері сенің жауапкершілігіңді бағалап ертеңге бір жұмыс тапсырды. Белгілі себептермен сен ол жұмысты орындап бола алмадың, не істейсің?
Сен тәртіпсіздік жасадың.Мұғалім саған қатты-қатты ескерту жасады. Сен не істейсің?
Сыныпта сабақтан себепсіз көп қалып қоятын оқушы бар. Ол оқушыға деген көз қарасың қандай?

ІІ топ

Сенің өзіңнің жақын адал досың бар, бірақ онымен дос болуға ата-анаң қарсы. Сен не істейсің?
Көктем мезгілі. Жолдасың сабақ оқуын азайтып, сабақтан тыс нәрселерге көп көңіл өлетіндіктен сабақ үлгерімі төмендеп кетті.сен не істейсің?
Сенің сабақ үлгерімің орташа.Сыныптастарың сені білімің бойынша бағалап, адамгершілік қасиеттерінді көре білмейді.сен не істейсің?

Келесі ІV бөлім «Тіл өнері» мақал-мәтелдің жалғасын табу.

Яғни мұнда қай топ бірінші қол көтереді, сол топ жауап береді. .(әр сұрақ 5 балмен бағаланады)

Атаға қарап — ……………, анаға қарап — ……………… ( ұл өсер,қыз өсер)
Ананың көңілі балада, …………………….. ( баланың көңілі далада)
Ата-ананың қадірін — ………………………….. ( балалы болғанда білерсің)
атаның баласы болма,……………………….. ( халықтың баласы бол)
Ұяда не көрсең , ………………………………( ұшқанда соны ілерсің)
Балалы үй базар, …………………………….( баласыз үй қу мазар)
ата көрген оқ жонар, ……………………..( ана көрген тон пішер)
Ананың сүті – бал, …………………………..( баланың тілі – бал)
Туған үйдің түтіні жылы, …………………………( туған ананың күтімі жылы)
Анаңа ауыр сөз айтпа, ………………………….( артыңа ауыр жүк артпа)
………… – ананың бауыр еті, көз нұры. ( бала)
Әке – асқар тау, ………………………..( ана- шалқар көл)

Елбасымыз Н.Ә.Назарбаев: «Еліміздің келешегі – бүгінгі жас ұрпақ тәрбиесіне тікелей байланысты » дегендей,V бөліміміз «Пікір талас» деп аталады.

Тақырыбы: Қазіргі таңда жастарымыздың батысқа еліктеуі дұрыс па?

(10 балмен бағаланады)

І топ: дұрыс емес

ІІ топ: дұрыс

Соңғы бөліміміз «Сөз тапқанға …..» деп аталады. .(әр сұрақ 5 балмен бағаланады)

Берілген әріптерден басталатын создермен жауап бересіздер.

І топ

1.Тілді қадірлейсіз бе?

Орысша сөйлеуге қызығасың ба?
Мерекеге қандай киім киесіз?
Кітап оқығанды ұнатасың ба?
Лотореядан акша ұтсаңыз, не істейсіз?

6 Достарың кімдер, коп пе?

7 Тілімізді, дінімізді жоғалтпау үшін не істеу керек?

8 Түнде аспанда не болады?

9 Баланың бас ұстазы – ата-ана ма?

10 16-желтоқсан қандай мереке тойлаймыз?

ІІ топ

Тіл сүйектен өте ме?
Жаңа жылға қандай сыйлық алғың келеді?
Оқу ғимаратына қандай киімммен келесіз?
көршіңмен татусың ба?
Ауа райы салқын ба?
Дүниедегі қымбат жан
Түлкі неге қу аң
Су тіршілік көзі ме?
Бақыт дегеніміз не?
Ит жеті қазынаның бірі ме?

Сайысымызды бағала ған әділқазылардан сайыс қорытынды балдарын сұраймыз. (Сайыс қорытындыланып қорытынды сөз тәрбие ісі меңгерушісіне беріледі. алғыс хатпен мараппаталады.)

Қорытындылау: Құрметті оқытушылар, студенттер ұлтымыздың қанындағы ізеттілік – дөрекілікке, қайырымдылық- қатыгездікке, жомарттық-тоғышарлыққа, адалдық-арамдыққа, парасаттылық-парықсызжыққа ауыспасын деген үлкен үміт тұр.
Өмірдің өтпелі қиын кезеңінде ұл-қыздарымыздың саналы тәрбие мен нақты білім алуларына күш салайық. Бүгінгі ашық тәрбие сағатымызды қорытындылай келе, келіп қатысқан оқытушыларға алғыс білдіремін. Отбасыларыңызға қуаныш тілеймін. Келесі кездескенше, сау болыңыздар!