Достық мерекесі

Тақырыбы:             « Достық мерекесі »

Мақсаты: Балаларға 1-мамыр Қазақстан халықтар бірлігі күні мерекесі екенін жеткізу. Ынтымаққа, достыққа ,өз Отанын сүюге , қорғауға , көп  ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу. Балалардың бірлік , ынтымақтастық туралы түсініктерін кеңейту.Ойын арқылы әр ұлттың киімдерін ажырата білуге үйрету.

Көрнекілігі: Әр ұлт өкілдерінің суреттері , шар , гүлдер .

Өткізілетін орын: Топта.

Өтілу барысы:  Сұрақ – жауап , түсіндіру , ойын , тақпақ айту , топ ішін безендіру, музыка ойнап тұрады.

Тәрбиеші: Бірлік пен ынтымағы халықтың,

Көгімізде жарасқан жарық күн!

Ырыс , дәулет бақыты үшін халықтың ,

Жайнай берсін , жайнай берсін алтын күн !

-дей келе Қазақстан халқының бірлігіне арналған

« Достық мерекесі » атты мерекемізді тамашалауға шақырамыз

 

Тәрбиеші: Мамырдың бірі , достық күні

Ән салып , билеген халықтың үні.

Тұтасып , тойлаған ұлттар ,

Керемет мереке , мамаырдың бірі.

 

 

Сұрақ-жауап: 

Тәрбиеші: Балалар біздің ұлтымыз  қандай ?

Балалар: Қазақ .                 

Тәрбиеші: Біз қай тілде сөйлесеміз ?

Балалар: Қазақ тілінде .

Тәрбиеші: Қазақстан халқының өзінің қазақ тілі , ұлттық киіміміз , салт-дәстүріміз бар. Сол сияқты біздің Қазақстанда баскада ұлттар тұрады. Өзбек , орыс , қырғыз , татар және тағы басқа да ұлт өкілдер тұрады.

Тәрбиеші: Сурет арқылы әр ұлттардың киімдерімен таныстыру. Балалар , осы ұлттардың барлығы да Қазақстанда тұрады. Қазақстан көп ұлтты мемлекет . Олар өз елдерінде болмасада ,Қазақтардың елін-елім деп , жерін –жерім деп , құрметтеп , үлкен үлгілі, бақытты, өнегелі отбасы болып өмір сүруде .

Тақпақтар:    Болсын жер мен су да ортақ,

Болсын біздің ту да ортақ.

Ақпыз, сарымыз,қарамыз,

Ағайынбыз бәріміз.             ( Айсұлтан )

 

Сары,ақпыз , қарамыз,

Бәрімізде баламыз .

Біз Отанда тұрамыз,

Біз мектепке барамыз.    ( Жаннұр )

 

Достығымыз жарасқан ,

Ақпыз ,қара , сарымыз.

Қара жер мен көк аспан ,

Ортақ дала тауымыз.         ( Айдос )

               

 

Дидактикалық  ойын : «Қай ұлттың бас киімі»

Ойын шарты: Көрсетілген әр ұлт өкілдерінің суреттерінің бас киімін тауып кигізу.

Тақпақтар: Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.        ( Дәрмен )

 

Ортақ мекен жер шары ,

Төбемізде бір аспан ,

Барлық ұлттың баласы,

Достығымыз жарасқан .      ( Нурсултан )

 

Сұрақ – жауап : Балалар , ертең біз мерекеге барғанда қолымызға  не ұстап  шығуға болады деп ойлайсындар ?

Балалар : Шар, жалауша.

Ойын :  « Достық ұшағы »

Ойын шарты: Кімнің ұшағы алысқа ұшады.

Би: «Жалауша».

 

Қорытындылай  келе,  «Әсем ән » әніне кезек бере отырып,  ертеңгілікімізді аяқтаймыз.