Дәрігер апай қонақта сабақ жоспары

Тақырыбы: «Дәрігер апай қонақта».

Өткізілетін түрі: ойын-сабақ.

Мақсаты:

Білімділік: балалардың «Дәрігер»мамандығы жайлы білімдерін кеңейту.

Дамытушылық: балалардың ойлау қабілеттерін ойын арқылы

жетілдіру және тіл байлығын, танымдық қабілетін, сөздік қарым-

қатынастарын нығайту.

Тәрбиелік: бір-біріне деген достық қарым-қатынасқа тәрбиелеу.

Әдіс-тәсілдері: көрсету, сұрақ-жауап, ойын, сергіту сәті.

Көрнекіліктер: термометр, градусник, дәрумендер, көкөністер, жеміс-жидектердің суреті.

Сабақ барысы:

Тәрбиеші: балалар, қарандаршы, бізге көптеген апайлар келген екен, қане амандасайықшы.

Балалар:    Арайлап таң атты,

Алтын сәуле таратты.

Жарқырайды аулымыз,

Жарқырайды балабақшамыз.

Қайырлы таң, балалар,

Қайырлы таң,апайлар!

Сәлеметсіздер ме, апайлар!

Шеңберге тұрып, тақпақ айту арқылы апайлармен амандасады.

Тәрбиеші: балалар, бүгін бізге қонаққа кім келіп отыр, айтыңдаршы?

Балалар: дәрігер апай

Тәрбиеші: дұрыс айтасыңдар. Ендеше, балалар, дәрігер апаймен де амандасайық.

Балалар: сәлеметсіз бе, апай?

Дәрігер апай: сәлеметсіңдер ме, балалар. Балалар, сендер мені таныдыңдар ма? Мен кіммін?

Балалар: иә, сіз біздің балабақшаның дәрігері — Айнұр апайсыз.

Тәрбиеші: Балалар, дәрігер апай бізге қонаққа келді. Біз қонаққа не деп айтамыз?

Балалар: дәрігер апай, қош келдіңіз, қане, төрлетіңіз.

Дәрігер апай: рахмет, балалар. Балалар, қазір күз мезгілі, күн суытты, сол себепті мен сендердің қызуларыңды өлшеп, тыңдап, тазалықтарыңды тексеріп, сабақтың соңында дәрумен беремін.

Тәрбиеші: балалар бір-бірлеп дәрігер апайға қаралыңдар.

Тәрбиеші: жарайсыңдар, балалар. Қазір, біздер ойын ойнаймыз. Ойнымыздың аты «Кім жылдам?» деп аталады. Ойынның шарты: ортаға  жеміс-жидектердің суретін көрсетіп, атын атау. Кім жылдам атаса, сол жеңімпаз болады.

Дәрігер апай: балалар беті-қолдарыңды жуып, таза жүріңдер. Шаштарыңды, тырнақтарыңды уақытында алғызып жүріңдер. Көкөніс, жеміс –жидектер жегенде жуып жеңдер.

Барлық балаларға бір дәруменнен таратылады.

Тәрбиеші: балалар, қазір сергіту сәтін орындайық, бәріміз бірге!

Сергіту сәті: «Сұр көжек жуынды».

Бармақ боп, тоғайға

Сұр көжек жуынды.

Басын жуды,

Бетін жуды.

Көзін жуды,

Құлағын жуды.

Қолын жуды.

Аяғын жуды.

Сілкінді,

Сүртінді.

Тап-таза боп бір тынды.

Тәрбиеші: балалар, сендерге дәрігер апай ұнады ма? Жарайсыңдар, балалар, сендер ойын-сабақ кешіне жақсы қатыстыңдар. Енді орындарымыздан тұрып қонақтармен қоштасайық.