«Тәуелсіздік — тұғырым»

Тәрбие  сағатының  тақырыбы:  «Тәуелсіздік — тұғырым»

Мақсаты:  Оқушыларды тәуелсіздікті аңсаған ел тарихымен, Тәуелсіздіктің туын желбіреткен Қазақстан мемлекетінің өркениетке бет бұру бағытында жеткен жетістіктерімен таныстыру. Тәрбиелік  мәні: оқушыларды  Отанды  сүюге,  еліміздің  мемлекеттік  рәміздерін   мақтан  тұтуға,  құрметтеуге,    елжандылыққа,  сахна мәдениетіне,  жауапкершілікке  баулу.

Көрнекілігі: төрде   еліміздің  туы, елтаңбасы, тәрбие  сағатының   тақырыбы, шарлар, таныстырылым,  кітаптардан  көрме.

 

САБАҚТЫҢ  БАРЫСЫ:

Кіріспе  сөз:                                                                                                                            Қайырлы  күн,  қымбатты қонақтар,   ұстаздар, ата-аналар,  оқушылар!

Ғасырлар  бойы  азаттық  аңсаған   ата- бабалардың   жолы  азапты,  тағдыры  ауыр  болғаны  анық. Қазақ  халқы  талай  зорлық,  зобалаңды бастан  кешірді.  Ата-бабаларымыздың  «Азаттықтың ақ  таңы  атса  екен,  Тәуелсіздік  келсе  екен»  деген  армандары  ХХ  ғасырдың  соңында  келіп  жетті.  Ежелгі  қазақ  жерінде  тәуелсіз  Қазақстан    мемлекеті  бостандықтың  көк  туын  желбіретті.  Демократиялық  жаңару  жолына  батыл    түскен  еліміз  әлемдік  өркениетке  ұмтылып,    бүгінде  халқының  әлеуметтік  тұрмыс  жағдайы  жақсарған,  экономикасы  өркендеп  дамыған  іргелі  елге айналды.

«Тарихты білмей болашақты болжау қиын» деп ғұлама ғалым бабамыз әл-Фараби айтқандай, тарихымыздан тағылым алып, еліміздің ұлы тарихына, ата-баба рухына, аға ұрпақтардың қаһармандық өмір жолына құрметпен басымызды иіп, Отанымыз – Қазақстанға адал қызмет ету барша Қазақстандықтардың борышы деп білемін.

 

Күндер  өтті  кешегі,                                                                                                            Жігер  құм боп  жасыған,                                                                                            Несіне  оны  жасырам?                                                                                           Еңсеңді көтер қазағым,

Тәуелсіздік таңы атты

Ендігі жерде жасыман!  — деп    бүгінгі  4 сынып оқушылары дайындаған «Тәуелсіздік — тұғырым»  атты  тәрбие  сағатын бастауға рұқсат етіңіздер.

Көрініс:  Фонфар ойнап, светамузыка қосылады, салют атылады.      (Есіктен  немересі жүгіріп  кіріп  келеді)

Немересі:  Апа, апа, далада  керемет болып жатыр?  Аспанда жарқылдаған салют   атып,  адамдар  қуанышқа   бөленіп  жатыр!  Жүріңіз  көрейік!

Апасы: Е…, е….,  жарығым, бұл нышан «Тәуелсіздік»  мейрамына  арналған   керемет  қой!  Биыл еліміздің    «Тәуелсіздік»  алғанына 27   жыл   толып  отыр.  Еліміз  күннен  күнге көркейіп,   дамып  келеді, балам!

Немересі:   Апа,  сіз  не   ойлап  кеттіңіз?

Апасы: Ә,   балам,  апаң  не  ойлайды  дейсің?   Сенің  болашағыңды, еліміздің  болашағы  жайлы,  өткен  өмір  туралы  ойлаймын.

Немересі:   Апа, өткен  өмір  деген  не?

Апасы:   Ә,  балам өткен  өмір  — ол  ата-бабаларымыздың  өмір  тарихы.

Немересі:  Ал,  ол  қандай  болған?

Атасы:  Ендеше,  тыңда  балам!

1-оқушы                                                                                                                                                                                 11  ғасырда  қазақ  хандығын  құрдық.  Алайда  қазақ  хандығы  бейбіт  өмір  сүре  алмады. Ұлан-байтақ  елімізге  жан-жақтан  көз  тігіп, ойран  салушылар  көбейді.

2-оқушы                                                                                                                                                                         Ел жайлауға  көшіп, қаннен  қаперсіз  жатқан   елімзге   жоңғар  тұтқиылдан    шабуыл  жасап,  қалың жұртты  жылатты. Дүрліккен  жұрт қашып,  Алакөлге аяңдап,    қасиетті  Қаратауға  бас   сауғалады.

3-оқушы                                                                                                                       Қаратаудың  бауырында  қалың  қазақ  бас  қосты.   Елді   аман  алып  қалу  үшін,   данышпан  Төлеби, Қазбек би, Әйтеке би    батырларды   батырлыққа,  елді бірлікке  шақырды. Хазақ  халқы  бірігіп,  жеңіске  жетті.

4-оқушы                                                                                                                                          1923-33 жылдарда  ашаршылықтан  қалың халық  опат  болып,  көптеген  ақын, қоғам  қайраткерлердің  өмірлерінің  түбіне  жетті.

5-оқушы                                                                                                                                             1941-1945 жылдарында Ұлы Отан соғысында ел  үшін жанын  қиған  қазақ  батырлары  Әлия  Молдағұлова, Мәншүк   Маметова, Б. Момышұлы, Талғат Бегалдинов   фашизмнен  бүкіл  адамзатты, адалдықты  қорғап, ерекше  ерлік  көрсетіп,  жеңіске  жетті.

6-оқушы                                                                                                                                1986  жылғы  «желтоқсан  оқиғасы»  тарихта  мәңгі  қалмақ. Иә, Отан  үшін  деп жанын  қиған   жастар  енді  тәуелсіздік   үшін,  ар-намысын,  ата-баба  дәстүрін жоғары  көтеру  жолында  ереуілге  шықты. Қаншама  қан  төгілді.

7-оқушы                                                                                                                    1986 жылы 16 желтоқсанда  орталық  алаңға жастар  мен  студенттер  Үкімет  басына  Колбиннің  келуіне  қарсы  екендіктерін  білдіріп, елдің  тәуелсіздігін  алу  үшін   шеруге  шықты.

Апасы:  Ата-бабаларымыз  аңсаған,  армандаған  еркіндік пен  бостандық  таңы  1991  жылы16 желтоқсанда  атты. Бұл  күні  Қазақстан  Республикасы Тәуелсіз  мемлекет  болып  жарияланды.

Немересі:  Апа, «Тәуелсіздік»  деген  не?

Апасы:   Тәуелсіздік  не  екенін  тыңда  балам!

1-оқушы:

Тәуелсіздік – он  бір әріп  құралған,                                                                                                                                                                                                                                                                   Сан  ғасырлар  бар  қазаққа  боп  арман.                                                                                                             Талай  дара,  даналардың  көз  жасы,                                                                                                        Қаныменен    атты  таң  боп  нұр алдан.

2-оқушы

Тәуелсіздік  қасиетті   ұғым  бұл,                                                                                               Ей,  келешек,  жан   тәніңмен  ұғып,  біл!                                                                                                               Он  бір әріп — не мағына  береді?                                                                                                                      Ал  талдайық  жеткенінше  қызыл  тіл.

(Оқушылар  «Тәуелсіздік»  деген  әріптерімен  ортаға  шығады.)

3-оқушы      Т әріпі – білдіреді  теңдікті

4-оқушы      Ә әріпі – әділдік пен әлдікті

5-оқушы      У әріпі –  уайымсыз  уақытты

6- оқушы     Е әріпі –  егемендік  елдікті

7-оқушы      Л әріпі – лайықты лауазым

8-оқушы      С әріпі – серпін менен сенімді

9-оқушы       І әріпі – ілтипат  пен ізет қой

10-оқушы     З әріпі – зиялық тілек   қой

11-оқушы      Д әріпі –шақырады  достыққа

12-оқушы       І әріпі – ілгері бас, іркілме

13-оқушы      К әріпі – көк аспанда алтын күн

Апасы:  Міне,   балам,  тәуелсіздік —   сенің  еркіндігің, бостандығың, бақытың,  болашағың.

2-оқушы                                                                                                                                     Туған  ел — Қазақстан  арайлы.                                                                                         Бүгін  саған  әлем  түгел  қарайды.                                                                                        Тәуелсіздік  тұғыры   бұл  халқымның                                                                        Бейбітшілік  таңы әр  кез  арайлы.

3-оқушы                                                                                                                            Арайлы  азаттықтың  нұрын  құшқан,                                                                             Шолпандай  жарқыраған  күншығыстан.                                                                                  Тәуелсіз  Қазақстан – туған  елім,                                                                                       Досы  көп,  бата   алмайды  бір  де  дұшпан.

 

Немересі:  Тәуелсіздік  алуымызға  кімдердің еңбегі  сіңді?

Апасы:  Тәуелсіздік  оңайшылықпен келген жоқ. Қайрат  Рұсқылбеков, Ербол Спатаев, Ләззат  Асанова, Сәбира  Мухаметжанова  сияқты апаларымыз  бен  ағаларымыздың  арқасында  тәуелсіздікке қол жеткіздік.

Апасы:  Балам,  Тәуелсіз мемлектімізді  басқаратын  елбасының кім екенін білесің   бе?

Немересі:  Білемін  апа, Ол – Нұрсұлтан  Әбішұлы  Назарбаев. Нұрсұлтан Әбiшұлы Назарбаев Алматы облысы Шамалған аулында 1940 жылы  6 шілдеде қарапайым  жұмысшы отбасында дүниеге келген. 1991 ж. желтоқсанның 1-інде тұңғыш рет Қазақстан Республикасы Президенті болып сайланды.

 

4-оқушы                                                                                                                      Ел —  халқымның  Елбасына  айналып,                                                                   Шықтың  қайта  төр  басына  сайланып,                                                                        Тәуекел  деп  абыройға  сүйенген,                                                                        Қазағыма  жетер  дейсің   қай  халық.

 

Ән: «Елбасы» Ақнұр

 

5-оқушы

Өзіміздің  жеріміз, еліміз, теңгеміз  бар.  Өзіміздің  туымыз, елтаңбамыз, әнұран,  тіліміз, теңгеміз  бар. Тәуелсіздіктің жарық  күні мәңгі  ата  берсін.

 

Апасы: 1992  жылы 4  маусымда тәуелсіз  Қазақстан  Республикасының Мемлекеттік   туы  мен  елтаңбасын,  әнұранын  бекітті.

1-оқушы                                                                                                              Әнұраным –жанұраным,                                                                                         Айтар әнім  -сөйлер  сөзім.                                                                                            Мәңгі  бақи  шырқалады.                                                                                Республикам  Әнұраны!

 

2-оқушы                                                                                                                Қаны  да,  жаны да  қазақтың,                                                                                      Егемен  еркіндік –ғажап  күн.                                                                                               Жүзінен  білінген,                                                                                                 Сарайлар  төрінде  ілінген,                                                                                  Елтаңба   — егемен  елдің  белгісі.

Елтаңба   — өжеттік, өрліктің   белгісі.                                                               Елтаңба   — тәуекел, ерліктің   белгісі.                                                                Елтаңба   — кемелдік, кеңдіктің  белгісі.                                                               Елтаңба   — өзге  елмен теңдіктің   белгісі.                                                            Елтаңба   — егемен  елдің  белгісі.

 

3-оқушы                                                                                                               Жарасқан  байрақтың  мәні  бар,                                                                                                                    Көк  аспан, күн,  қыран –сәні  бар.                                                                                                                Көк  байрақ –ашық  көк  кеңісім,                                                                                                                Алтын  күн- белгісі жеңістің.                                                                                                                   Алтын  күн  көтерген  ел  құсы-                                                                                                              Халқымның  батырлық  белгісі!

8-оқушы                                                                                                                               Рәміздерім – елдігімнің  белгісі,                                                                              Білу  керек баладағы  ең   кіші.                                                                         Рәміздерім  -Әнұран, Ту, Елтаңба,                                                                      Рәміздерді   жатқа  білген  жөн  кісі.

 

Немересі: Апа, мен мемлекеттік рәміздердің авторларын білемін. Тудың авторы: Шәкен Ниязбеков,

Елтаңбаның авторлары: Жандарбек Мәлібеков, Шота Уалиханов.

Гимннің әнін жазған: Ш. Қалдаяқов, сөзін жазғандар; Елбасымыз Н. Ә. Назарбаев пен Жұмекен Нәжімеденов.

                                          

Апасы:                                                                                                                2018 ж 31 қазаны күні ҚР Үкіметінің «Қазақстан Республикасында мереке күндер тізбесін бекіту туралы» №689 қаулысына  сай 5-қыркүйек «Қазақстан  халықтарының  тілдері»  мерекесі  күні  болып  бекітілді. Тіл  халықпен  бірге  өмір  сүріп,  дамиды.

Немересі: Апа, біз «Тіл мерекесін» 22-қыркүйек күні атап өтетінбіз.

Апасы: Иа, балам. Енді тіл мерекесінің 5 қыркүйек болып белгіленуінің де өзіндік себебі бар. Бұл күн — «Ұлттың сақталуына да, жоғалуына да себеп болатын нәрсенің қуаттысы — тіл» деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні. Енді барша қазақстандықтар қазақ әліпбиінің негізін салған ғалымның туған күнінде Тіл мерекесін тойлайтын болады.

8- оқушы                                                                                                                                Қазақ  тілді — ана  тіл  деп  атаудың  себебі                                                 Анасындай  қастерлесін  дегені.                                                                                      Өз  анасындай сыйлайтұғын  әр  адам,                                                                                        Өз тілін  де құрмет  тұтып  келеді.

 

9-оқушы                                                                                                                                                  Тілім  барда  қазағым  бар, халқым  бар,                                                                                                 Дәстүрім  бар,  ата  жолы,  салтым  бар,                                                                                                           Кең  даладай  жиналмаған  шалғайы                                                                                                             Аңқау,  ашық  мінезім  бар  аңқылдаған.

 

Апасы: Міне, балам     әрбір Қазақстан  азаматы  өз Тілін,  Туын,  Елтаңбасын,  Әнұранын құрметтеу  керек. Еліміздің  тәуелсіздік  белгісін    қадірлеу,  мақтаныш  тұту   біздің  міндетіміз!

Немересі: Апа, мен Рәміздерді, Қазақстанымды мақтан тұтамын. Мен Отаныма адал қызмет ететін боламын.

 

10- оқушы                                                                                                                   Қазақстан,  кең   байтақ  өлкем  менің,                                                                                                        Талай  кезең   артта  қап  өркендедің.                                                                                                         Отан  сүйер  ұланның  бауырында,                                                                                                             Дарқан  елім,   кең  жерім  көркей  менің!

 

11-оқушы                                                                                                                      Туған  елдің   жырын  жырлап  ғарыштан,                                                             Қазағыммен   бүкіл  әлем  танысқан.                                                                         Келешегі   кең  өрісті,  кемелді.                                                                                  Жайна  мәңгі – Қазақстан  -Гүлстан

 

12-оқушы

Жақсы  арманның  жалғасы,                                                                                                                      Мұнанда  биік  самғашы,                                                                                                                                                          Тәуелсіз  Қазақстаным!                                                                                                                                     Қанат қақ биік  талмашы.

 

13-оқушы                                                                                                                         Біз жас  ұлан –Отан   өркені,                                                                                       Үміт  артқан  болашағы  ертеңі,                                                                                Туған  елдің  даңқын көкке өрлетіп,                                                                          Гүлге  бөлеп  жасартамыз  өлкені                                                                    Қазақстан – елім  менің, Отаным.

 

2оқушы                                                                                                                                                        Қазақстан – еркін  елім,  еңселі.

3оқушы                                                                                                                                                        Қазақстан   кірлетпейік  атағын.

4оқушы                                                                                                                                                        Қазақстан — Ата   Заңым  бүгінгі.                                                                                                              5оқушы                                                                                                                                                        Қазақстан – болсын  мәңгі  ғұмырлы.

6оқушы                                                                                                                                                        Қазақстан – жері  қазақ  елімнің.

7оқушы   бәрі                                                                                                                                                     Қазақстан – әнім  әсем  шырқалар.

 

«Қазақстан бақытты» Ақниет