Қазақстан Республикасының рәміздері

Сабақтың тақырыбы: Қазақстан Республикасының рәміздері.

Сабақтың  мақсаты : Балаларды мемлекеттік рәміздермен таныстыру, түсіндіру  туған жеріне деген сүйіспеншіліктерін арттыру,  сөйлеу  мәдениетін  дамыту. Елін, жерін  сүйе  білуге  тәрбиелеу.

Сабақтың  әдісі : түсінік  беру,  көрсету, сұрақ- жауап, ойын

Сабақтың көрнекіліктері: мемлекеттік рәміздер, Астана қаласының суреттері.

 Меңгерілетін сөздер:  Елтаңба, ту, гимн, рәміз.

                                              

Сабақтың  барысы: I.Ұйымдастыру  кезеңі. Сәлемдесу.

 

                                      Армысыз, қайырымды аспан — ата,

Армысыз, қайырымды жер — ана.

Алтын күн, алтын шуақ,

Қайырлы таң, балалар.

                                     

1. Жаңа сабақ.

Балалар, бүгін бізге Гауһар деген қуыршақ қонаққа келіп отыр.

Балалар Гауһармен амандасады.

Гауһармен бірге Қазақстан Республикасының рәміздері туралы әңгімелесейік.

—   Біздің елдің өз жері, Елтаңбасы, туы, әнұраны, Елбасы, тілі бар.

—   Біздің Республика қалай аталады?

• Қазақстан Республикасы.
• Еліміздің бас қаласы қалай аталады?
• Астана қаласы.
• Жақсы, балалар.

—   Астана туралы кім тақпақ айтып береді?

Бүгін еңбек қайнаған,

Жасау үшін бақ қала.

Болады ертең жайнаған,

Ақ Астана – бақ қала.

—   Еліміздің Президенті кім?

• Нұрсұлтан Әбішұлы Назарбаев.
• Өте  жақсы.

—   Мемлекеттік рәміздерге нелер жатады?.

• Елтаңба, ту, әнұран – мемлекеттік рәміздерге жатады.
• Мына ту.Тудың түсі көгілдір, ортасында күн сәулесі бар, астында қыран құс, шеті өрнекпен өрнектелген.
• Мынау елтаңба. Елтаңба дөңгелек, екі шетінде қос тұлпар бар, ортасында шаңырақ, астында «Қазақстан» деген жазу бар.

1. Сергіту сәті.

Құлпыра  берші  кең  дала,

Гүліңді  мен  терейін.

Жапырағыңмен  жасыршы ,

Қойныңа  мен  енейін.

 

III. Біздің елде қандай ұлттар тұрады?

• Украиндер
• Орыстар
• Татарлар
• Өзбектер
• Осы ұлттар қалай тұрады?
• Бақытты, жақсы, тату — тәтті тұрады.

Айтыңдаршы, балалар қазақ тілі қандай тіл?

Қазақ тілі – мемлекеттік тіл.

Орыс тілі – ұлтаралық тіл.

Ана тілің – арың бұл.

Ұятың боп тұр бетте.

Өзге тілдің бәрін біл,

Өз тіліңді құрметте.

 

« Менің елім» лексикалық ойын.

         Мақсаты: Балалардың ойлау,сөйлеу қабілеттерін   дамыту.

Ойынның  шарты: Сурет бойынша балалар әңгіме құрастыру қажет.

 

Балалар,  Отан  туралы  қандай  мақал – мәтел  білесіңдер?

 

1-ші  бала:    Отан – оттанда ыстық.

 

2- ші  бала:   Отансыз адам – ормансыз бұлбұл.

 

3- ші  бала:  Отанды сүю отбасынан басталады.

 

 

4- ші  бала :Жері байдың,елі бай.

Балалар біздің отанымыз қандай?

• Біздің отанымыз кең,әдемі,бай.
• Ал енді отан туралы қандай тақпақ білесіңдер?

 

5- ші бала:   Отан – сенің,ата – анаң,

Отан – досың,бауырың.

Отан — өлкең,астанаң,

Отан – аудан, ауылың.

 

6 – бала:    Қазақстан елім менің

Қазақстан жерім менің

Саған арнап айтылады,

Әнім менің.

— Біздің  Республика  қалай  аталады?

— Қазақстан  Республикасы .

— Еліміздің  рәміздері  туралы  қандай  тақпақ  білесіңдер?

 

Елтаңбасы  елімнің

Ортасында  шаңырақ.

Мемлекеттік  туымнан

Күн  шығып  тұр  жарқырап

-Біз  қай  мемлекетте  тұрып  жатырмыз?

-Біз  Қазақстан  Республикасында  тұрамыз.

-Біз  кімбіз?

— Біз  Қазақстандықтармыз.                                                                     

 

Белсенді қатысқан балларды мадақтап, еңбектерін бағалау.

Гауһар балаларға ризашылдығын білдіріп, қоштасады.

Балалар: Мереке құтты болсын!