Жастардың бойындағы мәдениеттілікті, рухани-адамгершілікті, өнерге, білімге деген шығармашылық ізденістерді дамыту мақсатында, Сарыағаш ауданы ішкі саясат бөлімінің «Жастар ресурстық орталығы» КММ-нің ұйымдастыруымен 17-қараша Халықаралық студенттер күніне орай, арнаулы орта оқу орындарының студенттері арасында » Студенттік өмір деген- игі өмірдің бастауы» атты аудандық фестиваль өтті.Фестивальде студенттер оқу орындары туралы авторлық видео роликтер көрсетіп, өз өнерлерін паш етті, сонымен қатар қолдан жасалған киім үлгілерін көрерменге көрсетті. Аталмыш фестивальде колледжіміз шәкірттері де бағын сынап арнайы марапатқа ие болды. Фестивальге жас жайдарманшылар қонаққа келіп, студенттерге көтеріңкі көңіл күй сыйлады.
