Бүгін Қазақстан мұсылмандары діни басқармасына қарасты Сарыағаш медресе колледжінде студенттер арасында құқықбұзушылықтың алдын алу, зорлық-зомбылық, әлімжеттік (буллинг) әрекеттеріне жол бермеу және жастардың құқықтық сауаттылығын арттыру мақсатында профилактикалық кездесу өтті.
Кездесуге Сарыағаш АПБ ҚҚБ ЮПТ полиция аға лейтенанты Жүнісбеков Азамат Нұрполатұлы қатысып, колледж студенттеріне құқықтық тәрбие бағытында түсіндірме жұмыстарын жүргізді.
Кездесу барысында жастар арасындағы зорлық-зомбылықтың, әлімжеттік пен буллингтің алдын алу, қоғамдық тәртіпті сақтау, өзара сыйластықты нығайту және құқықбұзушылықтың заң алдындағы жауапкершілігі жөнінде маңызды мәліметтер берілді.
Сонымен қатар студенттерге бір-бірінің ар-намысы мен қадір-қасиетін құрметтеу, күш көрсету мен қорқыту әрекеттерінен аулақ болу, қандай да бір қысымға немесе әлімжеттікке тап болған жағдайда тиісті мамандарға жүгінудің маңыздылығы түсіндірілді.
Кездесу соңында студенттер өздерін толғандырған сұрақтарын қойып, құқықтық мәселелер бойынша пайдалы ақпарат алды.
